අන්තර්ජාලයේ බ්‍රව්සර් සියල්ල හැක් වෙයි

Pwn2Own කියන්නේ වාර්ෂිකව පැවැත්වෙන Hacking තරඟයක්. මෙවර එය පැවැත්වුනේ කැනඩාවේ වන්කොවර්හිදිය. ලොව නන් දෙසින් විවිධ දක්ෂතා ඇති තරඟකරුවන් රැසක්ම එහි පැමිණ සිටි අතර ලෝකයේ ජනප්‍රියතම web browser hack කර එහි දෝෂයන් 21 ක් ම පෙන්වා දී $557,500 ක මුදලක් දිනාගැනීමට හැකින් තරඟකරුවන් සමත්ව තිබෙනවා. mozilla firefox, google chrome, internet explorer යන ප්‍රසිද්ධම web browser සියල්ලම පාහේ hack කිරීමට  මෙම වර්ෂයේ පැවතී එම තරඟයේදී දෙවෙනි සහ අවසාන දිනයේදී තරඟකරුවන් දෙදෙනෙකු සමත්ව තිබෙනවා. hp’s zero day initiative program හි අනුග්‍රහයෙන් දින දෙකක් පුරාවට
මේ තරඟය පැවැත්වුණු අතර මින් ඉස්මතු වූ කරුණු නම් ඉතාමත් සිත්ගන්නා සුළුය. එම සිවිශේෂී කරුණු පහතින් දැක්වේ.

01 – Windows මෙහෙයුම් පද්ධතියේ දෝෂ 5 ක් ද
02 – Internet Explorer වල දෝෂයන් 11 ක් ද
03 – Mozilla firefox හි දෝෂයන් 3 ක් ද
04 – Adobe Flash හි දෝෂයන් 3 ක් ද
05 – Google Chrome හි දෝෂයක්ද හඳුනා ගන්නා ලදී.

මෙම දෝෂයන් පෙන්වා දුන් තරඟකරුවන්ට US$ 557,500 ක මුදල් ත්‍යාගයක් තිලිණ වශයෙන් ප්‍රධානය කළ අතර තරඟාවලියේ සුපිරි වීරයා බවට පත් වුයේ ජුන් හුන් ලී නම් දකුණු කොරියානු තරඟකරුවෙකි. මිනිත්තු දෙකක් ඇතුලත US$ 110,000 ක අතිවිශාල මුදලක් ජයග්‍රහණය කිරීමට එනම් මෙම තරඟාවලියේ ඉතිහාසයේ වටිනාම ත්‍යාගය හිමිකරගත්තේ ඔහු විසිනි.

“buffer overflow race condition” නම් දෝෂය උපයෝගීකරගෙන Google Chrome Browser එක hack කිරීමට ජුන් හුන් ලි සමත් වී තිබෙන අතර එම දෝෂය පෙන්වා දීම නිසා ඔහුට US$75,000 ක් හිමි විය.

Source - http://www.technews.lk/